Foodcorp met R88 milj. beboet oor prysvasstelling

2012-12-13 17:45

Johannesburg – Die maatskappy Foodcorp is 'n boete van R88,5 miljoen opgelê omdat hy onregmatig pryse vasgestel het, het die mededingingskommissie Donderdag gesê.

"Die mededingingskommissie is 'n skikking bereik met Foodcorp in twee verskillende kartelsake waarin die maatskappy erken dat hy met die pryse van koringmeel en mieliemeel gekonkel het."

Die boete is 10% van die omset van die maatskappy se meulafdeling in 2010, het Trudi Makhaya, woordvoerder van die  mededingingskommissie in 'n verklaring gesê.

Foodcorp het erken dat daar tussen 1999 en 2007 in 'n reeks vergaderings tussen die maatskappy en sy mededingers ooreengekom is om die pryse van gemaalde witmielies en gemaalde koringprodukte te verhoog.

Op dié vergaderings is die datums vir die implementering van die prysverhogings vasgestel

As deel van die skikkingsooreenkoms het Foodcorp onderneem om saam met die kommissie te werk om ander kartellede te vervolg deur voor die mededingingstribunaal te getuig.

Tiger Brands en Premier Foods het om korporatiewe toegeeflikheid aansoek gedoen. Pioneer Foods is in November 2010 'n boete van R500 miljoen opgelê ná klagtes dat broodpryse en dié van pluimvee en eiers onregmatig deur Wes-Kaapse bakkerye vasgestel is.

– Volg Nuus24 op Twitter

- SAPA