Eskom-verhogings 'sal eiendomsmark lamlê'
2013-01-22 12:50
Aanwysers
| Rand/$ |
 | 10.01 | -0.45% | Goudmynesektor |
| Rand/£ |
 | 15.65 | 0.05% | 1402.58 | 0% |
| Rand/€ |
| 13.40 | -0.66% | Alle aandeleindeks |
| Goud/oz | | 1366.80 | -0.02% | 41003.25 | 0% |
Bloemfontein – Klein sakeondernemings kan nie deurlopende elektrisiteitsverhogings van Eskom en munisipaliteite bekostig nie, het Wim Boshoff, 'n eienaar van kommersiële eiendom in die Vrystaat, gesê.
"Ondernemings verlaat die gesoneerde sakegebiede en begin onwettig in woongebiede handel dryf om te oorleef," het hy op 'n openbare vergadering van die Nasionale Energiereguleerder (Nersa) in Bloemfontein gesê.
Boshoff betaal maandeliks miljoene rande vir sy elektrisiteitsrekening van die Mangaung-munisipaliteit.
Hy het gesê klein en medium ondernemings kan nie meer bekostig om die hoë elektrisiteitskostes in formele, gesoneerde sakegebiede te betaal nie. Winkelsentrums en kantoorblokke loop leeg omdat ondernemings hul deure sluit en na ander gebiede skuif, waar hulle residensiële tariewe kan betaal.
Boshoff het gesê jaarlikse tariefverhogings van 16% oor die volgende vyf jaar sal Suid-Afrika se kommersiële eiendomsmark lamlê.
Hy het gesê Eskom se voorgestelde verhogings sluit nie die munisipaliteite se verhogings in nie.
"Die munisipaliteite se hulpbronne word nie reg bestuur nie en as gevolg hiervan, moet hulle hul inkomste aanvul met reuse-verhogings in elektrisiteitstariewe."
Boshoff is ondersteun deur Louis Diedericks van Utility Management for Africa, wat groot eiendomme vir kliënte bestuur.
"Die hoë koste vir ondernemings in sentraal-Suid-Afrika is nie volhoubaar nie. Jy kan nie die gans doodmaak wat die goue eiers lê nie," het Diedericks gesê.
– Volg Nuus24 op Twitter
- SAPA
