Eskom-verhogings 'nie regverdigbaar'

2013-01-24 17:54

Kaapstad – 'n Raadgewer vir die nasionale beplanningskommissie het gesê Eskom se aansoek vir 'n jaarlikse tariefverhoging oor die volgende vyf jaar, is nie meer regverdigbaar nie, berig Eyewitness News.

Die Nasionale Energiereguleerder (Nersa) bied tans openbare verhore regoor die land aan om vas te stel wat die gevoel is oor die kragreus se jongste versoek vir 'n verhoging van 16% oor die volgende vyf jaar.

Die prys van elektrisiteit het sedert 2007 met meer as 300% gestyg.

Prof. Anton Eberhard het gesê die regering moet die reguleerder help om 'n meer geskikte prysbeleid vir elektrisiteitsbedryf te vind.

"Dit is die prysbeleid wat ons in staat stel om mededingend te wees, maar dit is ook 'n pryskoste wat gelyk is aan Eskom se bedryfkoste. Dit moet 'n koste wees wat moet probeer om sommige van die groot prysstygings, wat ons ervaar het, egalig te maak."

– Lees meer hier

– Volg Nuus24 op Twitter