Ekonomiese speelveld ongelyk, sê Gigaba
2012-11-16 10:23
Aanwysers
| Rand/$ |
 | 9.40 | -0.96% | Goudmynesektor |
| Rand/£ |
| 14.27 | -0.3% |  1365.50 | 0% |
| Rand/€ |
| 12.07 | -0.61% | Alle aandeleindeks |
| Goud/oz | | 1360.10 | -0.42% | 41413.44 | 0% |
Johannesburg – Suid-Afrika moet sy ekonomie diversifiseer en in infrastruktuur belê om entrepreneurskap te bevorder, het Malusi Gigaba, minister van openbare ondernemings, Donderdag gesê.
"Die struktuur van die Suid-Afrikaanse ekonomie hou mense terug. Daar is 'n asimmetrie van inligting," het hy by 'n byeenkoms van die swart entrepreneursforum (Sabef) in Johannesburg gesê.
"Ons het entrepreneurskap met valse aannames nagejaag: ons het aangeneem die speelveld is gelyk, in plaas van om te erken dat dit nie is nie."
Grootskaalse beleggings in infrastruktuur het die potensiaal om werksgeleenthede en geleenthede vir entrepreneurskap te skep, het hy gesê.
"Die departement van openbare ondernemings erken dat die vraag wat geskep word deur staatsbeheerde maatskappye se beleggings en besteding 'n belangrike rol speel in die bevordering of onderdrukking van entrepreneurskap."
Transnet en Eskom sal voortaan doelwitte vasstel vir die ontwikkeling van hulle verskaffers wanneer hulle groot infrastruktuurprojekte aanpak, het hy gesê.
"Ons het vir 30 jaar, tot 2005, geen groot beleggings in infrastruktuurontwikkeling gemaak nie," het Gigaba gesê.
"Ons het vir 18 jaar lank 'n eksperiment gedoen. Dit werk nie so goed soos dit moet nie, en dis duidelik dat ons drastiese veranderings moet maak," het hy gesê.
– Volg Nuus24 op Twitter.
