Amplats-raad besin oor toekoms
2013-02-05 14:23
Aanwysers
| Rand/$ |
 | 9.52 | 0.58% | Goudmynesektor |
| Rand/£ |
| 14.39 | 0.09% | 1362.92 | 0% |
| Rand/€ |
 | 12.32 | -0.12% | Alle aandeleindeks |
| Goud/oz | | 1391.22 | 0.21% | 40855.89 | 0% |
Kaapstad – Anglo American Platinum (Amplats), die wêreld se grootste leweraar van platinum, móét herstruktureer word om in die toekoms nog lewensvatbaar te wees, het Cynthia Carroll, die uittredende uitvoerende hoof van Anglo American, Dinsdag gesê.
Die platinumsektor is in ‘n krisis en word deur reuse-uitdagings in die gesig gestaar, het sy aan afgevaardigdes by vanjaar se Mynbou-indaba in Kaapstad gesê.
Die groep het 'n wesensverlies per aandeel van 562c vir die jaar tot einde-Desember gely, vergeleke met 'n wins van 1 365c in die vorige jaar.
Die verlies word onder andere toegeskryf aan 'n staking wat die maatskappy se uitset vir die jaar met 8% laat daal het.
Amplats het ook vroeër bekendgemaak dat hy beplan om 14 000 werkers af te dank, maar het die besluit onlangs uitgestel om eers gesprekke met die regering te voer.
Carroll het gesê dié konsultasieproses sal 'n baie groot invloed op die maatskappy se pad vorentoe hê.
“Die kritieke beginpunt is dat die rade van Anglo American en Anglo American Platinum daartoe verbind is om ‘n volhoubare platinumonderneming vir die toekoms te verseker – tot die voordeel van alle belanghebbendes.”
Anglo American beplan om oor die volgende dekade R100 miljard in Amplats se bedrywighede te belê.
– Volg Nuus24 op Twitter
- SAPA
