Amplats-afdankings 'regering se skuld'
2013-01-15 15:13
Aanwysers
| Rand/$ |
 | 9.58 | -0.29% | Goudmynesektor |
| Rand/£ |
 | 14.42 | 0.39% | 1348.56 | 0% |
| Rand/€ |
| 12.32 | 0.1% | Alle aandeleindeks |
| Goud/oz | | 1370.00 | -0.37% | 41836.02 | 0% |
Johannesburg – Die regering en vakbonde kan die skuld kry vir die beplande afdanking van ongeveer 14 000 werknemers van Anglo American Platinum, het die DA Dinsdag gesê.
Amplats, die wêreld se grootste platinumprodusent, sal vier van sy skagte in Suid-Afrika sluit en sy Union-myn verkoop as deel van 'n grootskaalse herstrukturering van sy bedrywighede, is Dinsdag berig.
Die maatskappy het ook bevestig dat dié herstrukturering tot die verlies van 14 000 poste sal lei. Sowat 13 000 van dié poste sal in Rustenburg alleen verlore gaan.
"[Hierdie]...is 'n gevolg van die giftige kombinasie van 'n regering wat nie die ekonomiese realiteite van die mynwese verstaan nie, en vakbonde wat meer belangstel in hulle eie mag en geld as die werk van hulle lede," het James Lorimer, DA-LP, gesê.
Hy het in 'n verklaring gesê die DA sal ook verskeie veranderings voorstel aan die wysigings wat ter tafel gelê is vir die Wet op die Ontwikkeling van Minerale en Petroleumhulpbronne.
"Elkeen van daardie mynwekers wat hulle inkomste verloor, het die reg om die regering en vakbonde te vra om te verduidelik waarom hulle die las moet dra van die ondoeltreffendheid van die drieparty-alliansie," het Lorimer gesê.
"As die regering nie nou van koers verander nie, sal hierdie werkers en hulle families die eerste van vele wees om hulle inkomste te verloor."
– Volg Nuus24 op Twitter.
- SAPA
