Amplats-afdankings: Amptelike proses begin

2013-01-16 18:07

Johannesburg - Die Kommissie vir Versoening, Bemiddeling en Arbitrasie (KVBA) sal help met prosesse wat verband hou met Anglo American Platinum (Amplats) se aankondiging dat hy tot 14 000 werknemers sal moet afdank.

“[Ons het] die verwysingsvorm van die partye ontvang om die proses te fasiliteer. Ons sal dit hierdie week verwerk,” het die KBMA Woensdag gesê.

“In hierdie stadium is daar geen verdere inligting beskikbaar nie.”

Amplats het Dinsdag bekendgemaak dat hy moet herstruktureer en dat tot 14 000 mense afgelê of heropgelei sal word in ander velde.

Werkers van sommige Amplats-myne het in reaksie Woensdag geweier om ondergrond te gaan, terwyl vakbonde hulle probeer verdedig het.

“Die uiteinde van ons kant is dat ons die afdanking van [die] 14 000 [werkers] met alles in ons vermoë sal teenstaan,” het Zwelinzima Vavi, die algemene sekretaris van die Congress of SA Trade Unions (Cosatu) in ‘n onderhoud op SAfm gesê.

Vavi sê dit is verkeerd dat maatskappye elke keer werkers wil afdank as winsmarges bedreig word, sonder om na ander opsies te kyk.

– Volg Nuus24 op Twitter

 

- SAPA