'Alternatiewe dobbel' onder vergrootglas

2013-02-26 07:15

Johannesburg – Beperkte groeivooruitsigte in die gewone dobbelbedryf het die hotel- en-ca­sinoreus Sun International genoop om "alternatiewe dobbel" te oorweeg.

Dit beteken die groep sal voortaan meer fokus op geleenthede soos elektroniese bingo en beperkte-uitbetalingsmasjiene (LPM’e), het Graeme Stephens, nuwe uitvoerende hoof van die maatskappy, volgens Sake24 gesê.

Stephens het gesê hoewel die groep op die uitkyk is na geleenthede in dié snel groeiende mark, sal dit nog jare duur voordat die alterna­tiewe mark casino’s die stryd vir markaandeel sal aansê.

Die alternatiewe mark maak tans sowat 7% van die totale dobbelmark uit.

Sun International het Maandag sy resultate vir die ses maande tot 31 Desember bekend gemaak en Stephens sê die groep is tevrede met die resultate. Die groei in omset het inflasie geklop en vanweë die kostemodel word heelwat groei ook in sy verdienste voor rente, belasting, waardevermindering en amorti­sasie (ebitda) asook verdienste per aandeel weerspieël.

– Lees hier meer.

– Volg Nuus24 op Twitter.