Afrika-skatkis wink vir Vodacom

2012-11-12 09:35

Kaapstad – Vodacom, die Suid-Afrikaanse eenheid van Brittanje se Vodafone, se tussentydse wins het met 22% gestyg, hoofsaaklik danksy sterk groei in dataverkope en ‘n styging in die inkomste uit buitelandse bedrywighede.

Sy wesensverdienste het in die ses maande tot September tot 396c per aandeel gestyg.

Die inkomste uit internasionale bedrywighede het met 36% gestyg tot R6 miljard. Dit verteenwoordig tans 20% van die groep se inkomste.

Die maatskappy het ook gesê sy aantal "aktiewe kliënte" het met 21% toegeneem tot 50,1 miljoen.

Die meeste groei kom uit buitelandse bedrywighede. Vodacom het sy belange buite Suid-Afrika aggressief uitgebrei om met MTM mee te ding, en die getal kliënte in die buiteland het met 19% gegroei.

Die maatskappy beplan ook om in die volgende nege maande mobiele gelddienste in Mosambiek en Lesotho bekend te stel.

– Fin24/Sake24

– Volg Nuus24 op Twitter.