ANC wil bande verbreek met FNB

2013-02-11 12:21

Kaapstad – Die ANC beplan om sy bande met FNB te verbreek en by Postbank aan te sluit, is die afgelope naweek berig.

Die Sunday Times berig dat die besluit in Desember tydens die ANC se nasionale verkiesingskonferensie in Mangaung geneem is, omdat hy op soek is meer "bekostigbare" bankkostes.

Die party het egter 'n voorwaarde gestel vir dié verandering om plaas te vind. Die ANC het gesê die staatsbeheerde bank moet sy banklisensie in 'n handelsbanklisensie omskep.

"Ons is besig om ons aansoek af te handel en indien dit suksesvol is, sal Postbank 'n handelsbank word," het
Shaheen Adam, waarnemende besturende direkteur van die bank, gesê.

Meer as een miljoen ANC-lede deponeer hul jaarlikse ledefooi in die party se bankrekening by FNB.

Die ANC en sy geaffilieerdes het verlede maand FNB se jeug-advertensieveldtog gekritiseer en sê dit was 'n aanval op die regering.

– Volg Nuus24 op Twitter