500 werkers by Denel dalk afgelê

2012-12-10 17:50

Johannesburg – 'n Totaal van 523 werknemers gaan by Denel afgelê word – 'n bewering wat die maatskappy ontken, Solidariteit Maandag gesê.

Jack Loggenberg, woordvoerder van Solidariteit, het gesê die vakbond het verbale bevestiging ontvang dat die 523  vliegtuigspesialiste by Denel afgelê gaan word weens 'n kontrak van die lugmag wat gekanselleer is.

Sinah Phochana, woordvoerder van Denel, het gesê die lot van die 523 werkers is deel van onderhandelings tussen die maatskappy en die Suid-Afrikaanse Nasionale Weermag (SANW), maar geen besluit is nog geneem nie.

"Dit is 'n saak tussen Denel en die SANW. Sodra ons iets finaliseer sal ons verdere inligting kan verskaf."

Sy kon nie bevestig wanneer onderhandelings afgehandel sal wees nie.

Solidariteit het egter gesê hy verwag om Dinsdag 'n geskrewe kennisgewing te ontvang oor die moontlike afleggings en die eerste konsultasies wat op 14 Januarie gaan plaasvind.
      
– Volg Nuus24 op Twitter

- SAPA