1time-bankrotskap 'nie Mango se skuld'
2012-11-06 18:00
Aanwysers
| Rand/$ |
 | 9.40 | -0.96% | Goudmynesektor |
| Rand/£ |
| 14.27 | -0.3% |  1365.50 | 0% |
| Rand/€ |
| 12.07 | -0.61% | Alle aandeleindeks |
| Goud/oz | | 1360.10 | -0.42% | 41413.44 | 0% |
Johannesburg – Malusi Gigaba, minister van openbare ondernemings, het Dinsdag bewerings ontken dat die bekendstelling van die laekoste-lugredery Mango die rede is vir sy mededinger, 1time, se bankrotskap.
"Die bewerings wat gemaak word deur mnr Venter, uitvoerende hoof van Comair Bpk, waarin hy onder andere verwys na Mango as die rede vir 1time se bankrotskap, met meer as 1 000 werknemers wat daaronder ly, is baie ernstig en word gebruik om Mango direk as kommersiële entiteit, en daardeur ook die staat, skade te berokken," het hy gesê.
Gigaba het gesê sy departement is "terneergedruk" oor die ondergang van 1time en die verlies aan werksgeleenthede wat daaruit spruit.
"Dis nie net die werknemers wat direk daaronder ly nie, maar ook hulle families..."
1time het Vrydag aangekondig dat hy aansoek gedoen het om gelikwideer te word, en dat hy sy vlugte onmiddellik sal staak.
Die maatskappy het ongeveer R320 miljoen se korttermynskuld en onderhandel sedert Maart met sy skuldeisers.
Erik Venter, Comair se uitvoerende hoof, het in reaksie op die nuus gesê die lugredery het gesluit omdat sy vloot nie doeltreffend genoeg was nie.
"Ons is egter seker dat 1time in die afwesigheid van die staatsgesubsidieerde Mango genoegsame wins sou maak om sy vloot op te gradeer om volhoubaar te wees oor die lang termyn," het Venter gesê.
– Volg Nuus24 op Twitter.
- SAPA
