Wallis verander drie vir uitspeelstryd
2011-10-18 12:10
In-diepte Verslae
Die Internasionale rugbyraad het onthul dat slegs een speler positief getoets het vir 'n verbode middel tydens die Wêreldbeker in Nieu-Seeland.
Die Springbokke se les uit hul sukkelsege oor Wallis is om nie eens ’n sege oor Namibië as vanselfsprekend te aanvaar in die Wêreldbeker-toernooi nie.
Auckland – Wallis het die veteraan-stut Gethin Jenkins as kaptein aangewys vir die Wêreldbeker-uitspeelstryd om die derde plek Vrydag teen Australië.
"Ons voel maar leeg na die naweek se nederlaag. Dit gaan Vrydag 'n ware karaktertoets wees vir albei spanne," het die Drake se breier, Warren Gatland, gesê.
Wallis en Australië pak mekaar weer in Desember wanneer die spanne vir 'n toets by die Millenium-stadion in Cardiff uitdraf.
Vrydag se uitspeelstryd vir die brons medalje is moontlik ook die veteraan-vleuel Shane Williams se laaste vir sy land alhoewel hy te kenne gegee het dat hy graag sy laaste toets voor sy tuisskare wil speel.
Afskoptyd Vrydag by Eden Park is om 09:30 SA tyd.
Wallis:
15. Leigh Halfpenny, 14. George North, 13. Jonathan Davies, 12. Jamie Roberts, 11. Shane Williams, 10. James Hook, 9. Mike Phillips; 8. Ryan Jones, 7. Toby Faletau, 6. Dan Lydiate, 5. Luke Charteris, 4. Bradley Davies, 3. Paul James, 2. Huw Bennett, 1. Gethin Jenkins (kaptein).
Plaasvervangers: Lloyd Burns, Ryan Bevington, Alun Wyn Jones, Andy Powell, Lloyd Williams, Stephen Jones, Scott Williams.
Vir die jongste sportnuus volg Nuus24Sport op Twitter.
– Sport24