Walliesers lugtig vir 'puik' Brüssow
2011-09-04 23:18
In-diepte Verslae
Die Internasionale rugbyraad het onthul dat slegs een speler positief getoets het vir 'n verbode middel tydens die Wêreldbeker in Nieu-Seeland.
Die Springbokke se les uit hul sukkelsege oor Wallis is om nie eens ’n sege oor Namibië as vanselfsprekend te aanvaar in die Wêreldbeker-toernooi nie.
Wellington – Die Springbok-flank Heinrich Brüssow is uitgesonder as ‘n gevaarman deur Wallis se verdedigingsafrigter, Shaun Edwards, met Suid-Afrika, die wêreldkampioene, wat tekens begin wys van hul oorrompelende 2009-spelpeil.
Wallis en die Springbokke meet op 11 September in Wellington in die wêreldbeker-toernooi kragte en Edwards sê sy spelers is wel bewus van die uitdaging wat op hulle wag.
“Die Springbokke lyk op papier weer soos die span van 2009,” het Edwards aan verslaggewers in Wellington gesê."
Die Springbok-span van 2009 het die Britse en Ierse Leeus geklop en die Drienasies-reeks maklik beklink, met onder meer drie oorwinnings oor Nieu-Seeland.
“Hulle lyk baie sterk met Heinrich Brüssow en al die sterre wat in daardie reeks teen die Leeus gespeel het, terug in die span. Dit dra by tot die uitdaging.
“As ons daarin kan slaag (om ‘n oorwinning te behaal), sal ons dit teen ‘n Springbok-span op volle sterkte doen.”
Edwards het gesê hy meen Brüssow, wat die grootste deel van die 2010-seisoen weens ‘n kniebesering misgeloop het, het goed aangepas by die veranderings in interpretasies van reëls wat die voordeel aan die aanvallende span gee. Dit maak van hom ‘n steeds ernstige bedreiging.
“Hy is ‘n werklike wêreldklas-nommer ses en hulle kry jy nie sommer nie,” het Edwards oor die 25-jarige Brüssow gesê.
“In 2009, soos die skeidsregters toe geblaas het, hoef hy nie die bal te gelos het as hy op die grond was nie, so dit was tot sy voordeel, maar hy keer steeds bal om met die nuwe interpretasies.
“Dit is ‘n groot kompliment aan hom, dat hy sy styl en sy tegniek aangepas het... dit sal ‘n groot uitdaging vir ons losvoorspelers wees.”
- Vir die jongste sportnuus, volg Nuus24Sport op Twitter
- Reuters