Walliese kaptein drie weke geskors oor duikslag
2011-10-16 10:10
In-diepte Verslae
Die Internasionale rugbyraad het onthul dat slegs een speler positief getoets het vir 'n verbode middel tydens die Wêreldbeker in Nieu-Seeland.
Die Springbokke se les uit hul sukkelsege oor Wallis is om nie eens ’n sege oor Namibië as vanselfsprekend te aanvaar in die Wêreldbeker-toernooi nie.
Auckland, Nieu-Seeland – Die Walliese kaptein en oopkantflank Sam Warburton is Sondag drie weke geskors vir 'n gevaarlike duikslag in die wedstryd teen Frankryk.
Frankryk het die halfeindronde van die Wêreldbeker-rugbytoernooi 9-8 gewen.
Die Ierse skeidsregter Alain Rolland het Warburton met 'n rooi kaart van die veld gejaag vir 'n duikslag op Vincent Clerc in die 19de minuut van Saterdag se wedstryd op Eden Park. Die Franse vleuel het op sy kop geland nadat hy deur Warburton opgelig is.
Warren Gatland, afrigter van Wallis, het gesê Rolland se besluit het die span 'n plek in die eindstryd gekos.
Die 23-jarige Warburton sal dus op die kantlyn wees vir volgende week se uitspeelwedstryd om die derde plek.
Die skorsing is onmiddellik van krag en Warburton, wat weer op 7 November kan begin speel, het 48 uur om teen die besluit te appelleer.
– Bly op hoogte van al die jongste sportnuus deur Nuus24Sport op Twitter te volg
- AFP