WB: Skotte vies oor doedelsak-verbod
2011-09-20 13:29
In-diepte Verslae
Die Internasionale rugbyraad het onthul dat slegs een speler positief getoets het vir 'n verbode middel tydens die Wêreldbeker in Nieu-Seeland.
Die Springbokke se les uit hul sukkelsege oor Wallis is om nie eens ’n sege oor Namibië as vanselfsprekend te aanvaar in die Wêreldbeker-toernooi nie.
Wellington – Skotse ondersteuners dring aan dat 'n verbod op doedelsakke by Wêreldbeker-stadions in Nieu-Seeland, opgehef word en het organiseerders beskuldig dat hulle dié toernooi se atmosfeer bederf.
Matt Strachan, 'n Skotse rugbyondersteuner, het 'n Facebook-blad gestig nadat hy deur die Nieu-Seelandse polisie gewaarsku is dat hy nie stadions sal mag binnegaan as hy sy doedelsak saambring nie.
"Nadat ek so baie geld spandeer het om na Nieu-Seeland te kom en my land te ondersteun was ek geskok toe ek hoor doedelsakke word nie by stadions toegelaat nie," het hy aan The Scotsman gesê.
"Ek het my doedelsak al by die meeste stadions in Brittanje en Frankryk gespeel en is nog altyd hartlik verwelkom."
"Hoekom na al hierdie jare besluit Wêreldbeker-organiseerders om dit skielik te verban?"
Organiseerders het vanjaar 'n lang lys items wat nie by stadions toegelaat word nie onder andere sambrele, vuvuzelas en ietwat ongewoon – motoronderdele.
Musikale instrumente is ook op die verbode lys.
Strachan het uitgewys dat selfs Richie McCaw, wat van Skotse afkoms is, die doedelsak speel en gesê die idee is in elke geval nie om 'n geraas te maak soos die vuvuzelas by verlede jaar se Wêreldbeker-sokkertoernooi nie.
Skotland se sportminister, Shona Robison, het ook haar stem by die doedelsak-kwessie gevoeg en aan beamptes geskryf om te vra dat die "vergissing" hersien word.
Vir die jongste sportnuus volg Nuus24Sport op Twitter.
– Sport24