Tindall terug vir stryd teen Roemenië
2011-09-22 13:05
In-diepte Verslae
Die Internasionale rugbyraad het onthul dat slegs een speler positief getoets het vir 'n verbode middel tydens die Wêreldbeker in Nieu-Seeland.
Die Springbokke se les uit hul sukkelsege oor Wallis is om nie eens ’n sege oor Namibië as vanselfsprekend te aanvaar in die Wêreldbeker-toernooi nie.
Dunedin - Die Engelse senter Mike Tindall moes vrae oor sy privaatlewe systap nadat hy vir die span wat Saterdag teen Roemenië in Dunedin speel, gekies is.
Die 2003 Wêreldbeker-wenner bevind homself in 'n ongemaklike situasie nadat hy op kringtelevisie saam met 'n blondine in 'n stampvol kroeg gewys is.
Die kringtelevisiebeelde wys hoe Tindall, wat einde Julie in Skotland met Zara Phillips getroud is, intiem met 'n blondine gesels en sy 'n soen op sy kop plant.
Tindall (32) is nie gekies vir die wedstryd teen Georgië nie hoewel die Rose se breier, Martin Johnson, gesê het dit is weens die span se rotasie-beleid en geensins 'n dissiplinêre stap teenoor die speler nie.
Die 32-jarige is een van sewe veranderinge aan die span.
Intussen het Roemenië elf veranderinge gemaak vir die kragmeting teen Engeland.
So lyk die spanne:
Engeland:
15 Ben Foden, 14 Chris Ashton, 13 Manu Tuilagi, 12 Mike Tindall, 11 Mark Cueto, 10 Jonny Wilkinson, 9 Ben Youngs, 8 James Haskell, 7 Lewis Moody (kaptein), 6 Tom Croft, 5 Tom Palmer, 4 Louis Deacon, 3 Dan Cole, 2 Steve Thompson, 1 Alex Corbisiero
Plaasvervangers: 16 Lee Mears, 17 David Wilson, 18 Simon Shaw, 19 Tom Wood, 20 Richard Wigglesworth, 21 Toby Flood, 22 Delon Armitage
Roemenië:
15 Florin Vlaicu, 14 Stefan Ciuntu, 13 Ionel Cazan, 12 Iulian Dumitras, 11 Adrian Apostol, 10 Marin Dumbrava, 9 Lucian Sirbu, 8 Ovidiu Tonita, 7 Sandu Burcea, 6 Cosmin Ratiu, 5 Cristian Petre (kaptein), 4 Valentin Poparlan, 3 Silviu Florea, 2 Bogdan Zebega, 1 Nicolae Nere
Plaasvervangers: 16 Marius Tincu, 17 Paulica Ion, 18 Mihai Macovei, 19 Daniel Ianus, 20 Valentin Calefeteanu, 21 Csaba Gal, 22 Catalin Nicolae
Vir die jongste sportnuus volg Nuus24Sport op Twitter.
– Sport24