Samoa kla oor blaser
2011-09-30 15:25
In-diepte Verslae
Die Internasionale rugbyraad het onthul dat slegs een speler positief getoets het vir 'n verbode middel tydens die Wêreldbeker in Nieu-Seeland.
Die Springbokke se les uit hul sukkelsege oor Wallis is om nie eens ’n sege oor Namibië as vanselfsprekend te aanvaar in die Wêreldbeker-toernooi nie.
Auckland – Samoa se kaptein, Mahonri Schwalger, meen die skeidsregter Nigel Owens was te streng op sy span in hul 13-5 nederlaag Vrydag teen Suid-Afrika.
Die Samoane was desperaat om 'n eerste oorwinning oor die Springbokke te behaal en 'n einde te bring aan die eilandspan se 16 jaar-kwarteindronde droogte.
Schwalger sê Owens het glad nie gehelp nie.
"Die skeidsregter was regtig baie streng op ons," het hy gesê. "As 'n klomp van die beslissings na ons kant gegegaan het, kon ons meer punte teen die Suid-Afrikaners gekry het."
"Hy moet regverdig teenoor hulle (Bokke) sowel as teenoor ons wees vir die wedstryd om mededingend te kon wees. Ek het gevoel reëls is net op een span toegepas, maar aan die einde van die dag kan jy nie die uitslag verander nie. Wat gedoen is, is gedoen."
Die haker meen ook dat die rooikaart wat aan die heelagter Paul Williams uitgedeel is, hy het Heinrich Brussow in die gesig geslaan met 'n plat hand, onnodig was.
"Daar was 'n bietjie toneelspel betrokke. Ek dink nie dit het 'n rooikaart regverdig nie," het hy gesê.
Vir die jongste sportnuus volg Nuus24Sport op Twitter.
– Sport24