IRR neem geen stappe teen Lawrence
2011-10-11 12:05
In-diepte Verslae
Die Internasionale rugbyraad het onthul dat slegs een speler positief getoets het vir 'n verbode middel tydens die Wêreldbeker in Nieu-Seeland.
Die Springbokke se les uit hul sukkelsege oor Wallis is om nie eens ’n sege oor Namibië as vanselfsprekend te aanvaar in die Wêreldbeker-toernooi nie.
Wellington – Die Internasionale Rugbyraad sal geen stappe teen die Nieu-Seelandse skeidsregter Bryce Lawrence neem ná sy vertoning in die Wêreldbeker-kwarteindronde nie.
Talle Suid-Afrikaners blameer Lawrence vir die Springbokke se nederlaag teen die Wallabies, maar die Internasionale Rugbyraad sal nie oor Sondag se vertoning kommentaar lewer nie.
Die IRR se hoof van skeidsregters, Paddy O’Brien, het wel gesê die raad is bereid om oor Lawrence te praat, maar het gevra dat alle navrae aan die IRR se kommunkasiehoof, Dominic Rumbles, gerig word.
“Ons lewer nie kommentaar op die individuele vertonings van skeidsregters nie,” het Rumbles egter herhaal.
Lawrence is die voormalige hoof van skeidsregters in Nieu-Seeland, Keith Lawrence, se seun en is tans die hoof van die IRR se ontwikkelingstak vir skeidsregters.
Intussen het sowat 41 000 gebruikers op Facebook hul stem dik gemaak en ‘n petisie genaamd "petition to stop Bryce Lawrence from ever reffing a game again" met ‘n “Like” onderteken.
“Die een positiewe punt is dat ek nooit weer in ‘n wedstryd sal speel wat Bryce sal blaas nie,” het die Springbok-kaptein John Smit gister met sy aankoms op tuisbodem gesê.
– Lees meer hier.
– Volg Nuus24 op Twitter.