Hane beboet oor hul 'haka-reël' oortree
2011-10-24 15:27
In-diepte Verslae
Die Internasionale rugbyraad het onthul dat slegs een speler positief getoets het vir 'n verbode middel tydens die Wêreldbeker in Nieu-Seeland.
Die Springbokke se les uit hul sukkelsege oor Wallis is om nie eens ’n sege oor Namibië as vanselfsprekend te aanvaar in die Wêreldbeker-toernooi nie.
Auckland – Frankryk se rugbyspan is Maandag deur die Internasionale rugbyraad (IRR) met £10 000 (sowat R127 000) beboet omdat hulle nader gestap het terwyl die All Blacks die haka uitgevoer het.
Die Hane het Sondag op Eden Park, voor die afskop van die Wêreldbeker-eindstryd, die Kiwi's se uitdaging in 'n V-formasie met kaptein Thierry Dusautoir aan die voorpunt tegemoet gegaan.
Volgens IRR-reëls mag spanne nie oor die middellyn beweeg terwyl die haka uitgevoer word nie.
Kort voor die boete bevestig is, het Frankryk se afrigter Marc Lievremont gesê dat Dusautoir probeer keer het dat sy spanmaats die middellyn oorsteek.
"Hy het probeer om hulle te keer, maar daar was momentum met die vorentoe beweging," het Lievremont gesê.
Intussen het die All Black-kaptein Richie McCaw gesê hy is nie verras deur die Hane se optrede nie.
"Ons het daaroor gepraat dat hulle iets anders na die uitdaging gaan bring en hulle het, maar die wedstryd begin elke geval eers as die fluitjie blaas," het hy gesê.
Vir die jongste sportnuus volg Nuus24Sport op Twitter.
– Sport24