'Geskiedenis is aan ons kant' – Naas
2011-08-28 19:07
In-diepte Verslae
Die Internasionale rugbyraad het onthul dat slegs een speler positief getoets het vir 'n verbode middel tydens die Wêreldbeker in Nieu-Seeland.
Die Springbokke se les uit hul sukkelsege oor Wallis is om nie eens ’n sege oor Namibië as vanselfsprekend te aanvaar in die Wêreldbeker-toernooi nie.
Pretoria – Die geskiedenisboeke toon dat Australië se oorwinning in die Drienasies-reeks in die guns van Suid-Afrika en Nieu-Seeland behoort te tel, het die voormalige Springbok-losskakel Naas Botha gesê.
Die Wallabies het die Drienasies-kroon vir die eerste maal in ‘n dekade verower toe hulle Saterdag ‘n oorwinning van 25-20 oor die All Blacks behaal het in Brisbane.
Volgens Botha sal dié uitslag in die guns tel van die reeks se twee verloorspanne by volgende maand se Rugbywêreldbeker-toernooi in Nieu-Seeland.
“Ek is eintlik bly (die All Blacks het verloor), omdat ek eerstens ‘n Suid-Afrikaanse ondersteuner en tweedens ‘n Nieu-Seelandse ondersteuner is,” het Botha Sondag gesê.
Ná die naweek beteken dit Suid-Afrika en Nieu-Seeland kan steeds die wêreldbeker wen.
“Die uitslag was ietwat van ‘n verrassing, maar as jy die volle pakket ontleed... die geskiedenis toon dat wieookal die Drienasies wen, nie die Wêreldbeker wen nie.”
Suid-Afrika se swak vertoning in die kompetisie was kommerwekkend, het Botha gesê. Hy het egter daarop aangedring dat spelpeil voor die toernooi irrelevant is.
“Ek dink nie ons kan dit as ‘n verskoning gebruik nie, maar dit moet ‘n rol speel iewers agter in jou kop,” het hy gesê.
Botha, ‘n rugbykommentator en –ontleder, sal egter nie aanvaar dat die All Blacks die etiket van gunstelinge op hul tuisveld verloor het nie, of dat die kollig van die gasheerspan af weggeneem is nie.
“Ek dink hulle sal dit baie graag wil sê, maar ongelukkig dink ek dit is andersom.
“Hulle is nou onder ongelooflike druk, want wanneer jy verloor, begin die twyfel altyd insluip. Nou het hulle skielik met hul B-span verloor, hulle het met hul A-span verloor en hulle moet nadink oor waar hulle is, wat voorbereiding op die toernooi betref.”
Ondanks twee swak Drienasies-veldtogte glo Botha die Springbokke staan ‘n goeie kans om die eerste span te word wat twee wêreldbeker-titels in ‘n ry kan verower.
“As ons volgens die Drienasies dink, beteken dit ons is nie eens naby daaraan om die wêreldbeker te wen nie, en ek glo regtig ons kan die wêreldbeker wen, as jy kyk na die groep wat aangewys is,” het hy gesê.
“Niks wat voor die wêreldbeker gebeur maak saak nie, en dit is die lank en die kort daarvan.”
- Volg Nuus24 op Twitter
- SAPA