Dit gaan nie goed met Lomu
2011-09-30 12:59
In-diepte Verslae
Die Internasionale rugbyraad het onthul dat slegs een speler positief getoets het vir 'n verbode middel tydens die Wêreldbeker in Nieu-Seeland.
Die Springbokke se les uit hul sukkelsege oor Wallis is om nie eens ’n sege oor Namibië as vanselfsprekend te aanvaar in die Wêreldbeker-toernooi nie.
Auckland - Die All Black-legende Jonah Lomu, wat tans in die hospitaal vir 'n nierkwaal behandel word, "is glad nie in 'n goeie toestand nie", is Vrydag deur die media in Nieu-Seeland berig.
Lomu, wat jare reeds aan nefrotiese niersiekte ly en in 2004 ’n nieroorplanting ondergaan het, is verlede week in die hospitaal opgeneem nadat sy gesondheid glo verswak het.
Die hospitaal en die oud-All Black se verteenwoordigers het nog geen amptelike verklaring oor sy toestand uitgereik nie, maar die Dominion Post het 'n anonieme bron aangehaal wat gesê het daar bestaan vrese dat ernstige komplikasies by die 36-jarige ingetree het.
Die bron het hom as "ernstig siek" beskryf.
Lomu se gesondheidsprobleme word blykbaar geheim gehou omdat sy bestuurspan na bewering 'n eksklusiewe kontrak met 'n vrouetydskrif geteken het vir die storie oor sy siekte.
Die oud-speler se voormalige All Black-spanmaat Kees Meeuws het Lomu gevra om sy ondersteuners op hoogte te hou van sy siekte nadat hulle gekla het oor die geheimhouding van sy toestand in die hospitaal.
Vir die jongste sportnuus volg Nuus24Sport op Twitter.
– Sport24