All Black-vleuel bieg oor drankprobleem
2011-09-19 10:59
In-diepte Verslae
Die Internasionale rugbyraad het onthul dat slegs een speler positief getoets het vir 'n verbode middel tydens die Wêreldbeker in Nieu-Seeland.
Die Springbokke se les uit hul sukkelsege oor Wallis is om nie eens ’n sege oor Namibië as vanselfsprekend te aanvaar in die Wêreldbeker-toernooi nie.
Christchurch – Die All Black-vleuel Zac Guildford het onthul dat hy 'n drankprobleem het en Maandag tydens 'n perskonferensie verskoning gevra vir 'n ooreenkoms wat hy met die spanbestuur verbreek het deur "buitengewoon" baie te drink na 'n Drienasies-wedstryd in Augustus.
Tydens die perskonferensie, wat uit die bloute deur die All Blacks se spanbestuur byeengeroep is, het Guildford gesê daar is 'n "drankprobleem", maar dat hy tans positiewe stappe neem om dit onder beheer te kry.
Die Kiwi's se spanbestuurder, Darren Shand, het gesê daar was kommer oor Guildford se drinkery tydens die Drienasies-toernooi, maar het ontken dat onlangse spankeuses iets met dié kwessie te make het.
Die 21-jarige vleuel is die enigste All Black, behalwe die beseerde Kierand Read, wat nie in die beginspan of die 22-tal gekies is vir die Kiwi's se eerste twee Wêreldbeker-wedstryde sover nie.
"Geensins", het Shand geantwoord toe hy gevra is of dit 'n rol gespeel het in Guildford se weglating.
Hy het gesê Guildford het 'n ooreenkoms met die spanbestuur, om sy drinkery te beheer, verbreek "toe hy buitengewoon baie gedrink het" na die All Blacks hul laaste Drienasies-toets teen Australië in Brisbane verloor het.
"Dit was bloot 'n ooreenkoms wat hy met die spanafrigters gehad het en toe nie nagekom het nie. Hy het nie enige gedragskode oortree nie," het Shand verduidelik.
Vir die jongste sportnuus volg Nuus24Sport op Twitter.
