Curriebeker weer opwindend
2012-10-12 07:36
Vir die eerste keer sedert die 2012 Curriebeker afgeskop het, het die toernooi weer so bietjie van 'n glans.
Baie van die groot spanne het weer hul Springbokke nader geroep en dis uiteindelik weer hoe die Curriebeker behoort te wees – met Suid-Afrika se beste spelers in aksie.
Vir spanne soos die Cheetahs, Bulle en die WP kom die Bokke op die regte tyd omdat hulle die verleentheid van 'n promosie/relegasie wedstryd wil vermy.
Die WP-afrigter, Allister Coetzee, het al sy Bokke ingesluit terwyl die Bulle se breier, Pine Pienaar, vyf Bokke in sy groep genoem het.
Die sukkelende Morné Steyn sal die nommer 10 trui dra en moet nie verbaas wees as hy sy beste vertoning van die jaar lewer nie.
'n Spankeuse vir die naweek wat ook 'n paar wenkbroue gelig het was dié van Pat Lambie op losskakel vir die Haaie se wedstryd Vrydagaand – 'n posisie waarin hy so te sê glad nie vir sy provinsie die seisoen gespeel het nie.
Het Heyneke Meyer dalk 'n woord met John Plumtree gewissel met die toer na die VK in gedagte? Wie weet...
Daar's baie om oor te gesels en om na uit te sien en soos ek gesê het, is die Curriebeker weer interessant.
– Morné Esben is ’n nuusleser vir 94.5 Kfm. Jy kan hom hier volg op Twitter.
Stuur jou kommentaar aan Morné
Neem kennis: Nuus24 is ten gunste van vryheid van spraak en 'n diversiteit van sienings. Die opinies van rubriekskrywers wat op Nuus24 gepubliseer word is hul eie, en verteenwoordig nie noodwendig die sienings van Nuus24 nie.
