iPad is die ideale reismaat
2011-12-02 10:55
Kaapstad – Met die Apple iPad wat in 2010 bekendgestel is het ‘n hele nuwe wêreld van moontlikhede vir reisigers oopgegaan.
Die iPad is ‘n baie nuttige reis-vennoot. Dit is ligter en meer kompak as ‘n skootrekenaar, met basies dieselfde funksies, soos e-pos en internettoegang.
Die batterylewe is ook baie beter as meeste skootrekenaars s’n, met sommige wat tot 10 ure kan hou.
Waarvoor kan ek my iPad gebruik wanneer ek reis?
Daar is ‘n verskeidenheid programme wat reis-vriendelik is.
Laai Skype af vir video-oproepe.
Laai programme af soos Foursquare en Urbanspoon vir restaurant-aanbevelings in jou omgewing.
Besprekingsprogramme soos Kayak, Agoda, Booking.com en Hipmunk help jou om vir vlugte en hotelkamers te soek.
Talle toerismerade bied ook gratis programme wat afgelaai kan word.
Dit is ook gerieflik om televisieprogramme en films af te laai, sowel as e-boeke, waarmee jy jouself op jou reis kan besig hou.
– Volg Nuus24 op Twitter