Ysige weer veroorsaak reis-chaos

2012-02-06 12:16

Kiëf – Die bibberweer in Europa het nóg lewens geëis en grootskaalse verkeersontwrigting veroorsaak te midde van waarskuwings dat die buitensporige lae temperature vandeesweek sal voortduur.

Londen se Heathrow-lughawe – Europa se besigste lughawe – het Sondag ‘n derde van sy vlugte gekanselleer nadat temperature in Engeland tot bykans -10°C gedaal het.

Business Day berig British Airways en Ryanair het ook honderde vlugte vanaf Londen opgeskort.

Londen se Gatwick-lughawe het 8cm se sneeuval oornag gehad. Dié lughawe sal by sy geskeduleerde vlugte hou.

Talle ander lughawens in Brittanje het hul aanloopbane gesluit en gewaarsku dat verdere ontwrigtings kan voorkom.

Lees meer hier

Volg Nuus24 op Twitter