Wêreld se grootste lugrdery amper op dreef
2010-08-31 16:46
Kaapstad - Die departement van justisie in die VSA het die voorgestelde samesmelting van Continental Airlines en United Airlines goedgekeur.
Dit sal dus die wêreld se grootste lugredery wees.
Om die toestemming te verkry, het die lugrederye ooreengekom om 18 daaglikse vlugtye vanaf New York se Newark-lughawe prys te gee. Dit sal nou aan die lae-koste lugredery, Southwest gaan.
Die finale hekkie sal egter eers aan die einde van volgende maand oorbrug word, wanneer aandelehouers die samesmelting van die twee lugrederye moet goedkeur.
United het daagliks 3400 vlugte na 230 bestemmings met ongeveer 46 000 personeellede, terwyl Continental daagliks 2700 vlugte na ongeveer 170 bestemmings het met 40 000 personeellede.
- Vir die volledige storie besoek Breaking Travel News.
- Volg Nuus24 op Twitter.