Wenke vir 'n fiets-vakansie
2011-04-07 12:27
Dit is tyd om die stof van jou fiets af te spuit, want met stygende brandstofpryse is dit een van die goedkoopste en prettigste maniere om die wêreld te sien.
Om met ‘n fiets te reis gee jou al die vryheid wat jy wil hê en dit is boonop eko-vriendelik en ‘n goeie vorm van oefening.
Hier is ‘n paar vrae om te vra voordat jy jou fietstoer beplan.
Hoe lank wil jy gaan?
Dit is op die ou einde jou keuse. Maak net seker dat jy genoeg tyd inreken vir wat jy alles beplan om te sien.
Dit sal ook afhang van jou vlak van fiksheid.
Waar wil jy gaan?
Daar is talle kaarte van fietsroetes oor die wêreld beskikbaar.
Baie lande bied ook begeleide fietstoere, maar as jy op jou eie wil gaan, maak seker jy sien die dinge wat jy graag wil sien en dat jy nie net die maklike paaie volg nie.
Onthou ook om die weer en die tyd van die jaar wat jy beplan om te gaan in ag te neem.
Loer na hierdie webwerwe vir ‘n paar idees:
Adventure Cycling Association (Noord-Amerika)
Planning your own European Bicycle Tour
Spice Roads (Asië),
Tour d’ Afrique Ltd. (Afrika),
DuVine Adventures (Suid-Amerika)
Cycling Tours Australia & New Zealand
Hoe fiks is jy?
As jy potensieel 70 km ‘n dag wil trap sal jy redelik fiks moet wees. Dit sal wys wees om voor die vakansie ‘n bietjie te ry om die bene en boude gewoond te maak en om ‘n paar kilometer agter die rug te kry.
Hotelle, hostelle of kamp?
Sekere toeroperateurs het spesifieke plekke waar jy na elke dag kan oorbly, maar die kanse is goed dat dinge nie altyd gaan uitwerk soos wat jy beplan nie, veral as jy deur Afrika en Asië ry.
Wat moet jy bring?
Sonder twyfel moet jy ‘n helmet, gepaste klere, ‘n telefoon, paspoort (met visums), water en peuselhappies neem.
Verder sal dit afhang van jou spesifieke omstandighede en waar jy reis.
Kliek hier vir ‘n interaktiewe paklys.
Kry meer inligting by Lonely Planet