Vyfde Britse toeris sterf in Ibiza
2011-08-10 18:59
Londen – ‘n Britse toeris wat in Ibiza verdrink het, is die vyfde jong Britse vakansieganger om tydens die somervakansie op dié eiland te sterf.
Christopher Barrington, 31, is Dinsdag om 16:30 bewusteloos uit die swembad by Hotel Puchet in die partytjie-oord van San Antonio gehaal.
Paramedici het probeer om hom by te bring, maar sy lewe kon nie gered word nie.
Barrington was nie ‘n gas by die Puchet, ‘n driester-hotel met 212 kamers, nie. Hy het by die nabygeleë Hotel S'Anfora gebly en dit was steeds nie duidelik hoekom hy in die swembad was nie.
“’n Een-en-dertig-jarige Britse toeris is Dinsdagmiddag in ‘n hotelswembad dood. Dit wil voorkom of hy verdrink het. Ons wag nog op die uitslae van ‘n nadoodse ondersoek. In hierdie stadium weet ons nog nie wat veroorsaak het dat hy verdrink het nie,” het ‘n woordvoerder van die ondersoekspan gesê.
– Lees verder by die London Evening Standard
– Volg Nuus24 op Twitter