Vloede in Thailand skrik toeriste af
2011-11-11 14:12
Bangkok – November is gewoonlik die begin van die vakansieseisoen in Thailand, 'n tyd van die jaar wat plaaslike ondernemings se kasregisters oortyd werk en hotelle oorloop – maar nie in 2011 nie.
Wydverspreide vloede beteken die hoeveelheid toeriste in dié land is veel minder as gewoonlik – selfs in dele wat glad nie deur vloede geraak word nie.
Die vloedwater het sedert Julie al 500 lewens geëis, met sowat 'n derde van die land se 77 provinsies wat daardeur geraak is.
Goewerneur Suraphon Svetasreni, hoof van die Thaise toerismeraad, het egter gewaarsku dat dié natuurramp ook gebiede raak wat nie deur die vloede getref het nie – in die vorm van waardevolle toerisme-inkomste wat verlore gaan.
Sowat $825 miljoen (sowat R6,5 miljard) kan teen die einde van die jaar verlore wees as die vloedwater nie gou sak nie, het Svetasreni gewaarsku.
– Lees hier meer.
– Volg Nuus24 op Twitter.