Visrivier-staproete weer oop
2011-06-08 17:56
Kaapstad - Entoesiastiese stappers kan weer hul stapskoene aantrek om die Visrivier-staproete aan te durf.
Nog goeie nuus is dat die pont by Sendingelingsdrif oor die Oranjerivier ook weer gebruik mag word.
Die gewilde staproete is weer oopgestel nadat dit begin Mei weens die ongekende swaar reënval en vloedwaters gesluit was.
Die permanente sekretaris van die Omgewing en Toerisme, dr. Kalumbi Shangula, het die oopstelling Dinsdag bevestig. Die pont by Sendelingsdrif oor die Oranjerivier is ook die eerste keer vanjaar weer tussen Namibië en die Richtersveld in gebruik.
Slegs viertrekvoertuie en voertuie met ’n hoë grondvryhoogte word tans toegelaat weens die moeilike landing aan die Namibiese kant. Die Oranjerivier was vanjaar kwaai in vloed en dit het daartoe gelei dat die pont by Sendelingsdrif sedert 31 Desember nie operasioneel was nie.
Lees meer by die Republikein Online
Volg Nuus24 op Twitter