Vindaba mik om wyn-toerisme te bevorder
2012-07-12 15:14
Kaapstad – Wyntoerisme is een van die sektore in die wêreld-toerismemark wat die vinnigste groei en die winsgewendste is, het Marthinus van Schalkwyk, minister van toerisme, gesê.
Suid-Afrika se eerste gespesialiseerde wynuitstalling, Vindaba, sal vanaf 25 to 27 September by Kaapstad se Internasionale Konvensiesentrum (CTICC) gehou word, dieselfde tyd as Cape Wine 2012.
“Wyn- en gourmet-toerisme is wêreldwyd ‘n gewilde reis-kategorie, maar die inkomste wat verdien word uit dié toerisme word nie gelyk per kapita verdeel nie. Die Napa-valley, byvoorbeeld, verdien $188 (sowat R1 500) per kop terwyl die Wes-Kaap maar $41 (sowat R340) per kop verdien. Hierdie potensiaal vir finansiële groei moet vir die groter voordeel van ons wyn- en toerismebedryf aangewend word,” het Susannah Holtz, projekbestuurder van Vindaba, gesê.
Vindaba, wat die ondersteuning van die plaaslike en nasionale regering geniet, gaan die beste in wyn-verwante toerisme uitstal.
– Lees meer by Tourism Update
– Volg Nuus24 op Twitter
