Vermy Indië in Kerstyd, waarsku 5 lande
2011-10-25 12:49
Nieu- Delhi – Vyf lande, insluitend die VSA, die Verenigde Koninkryk, Kanada, Australië en Nieu-Seeland, het reisigers gewaarsku om in die komende Kersseisoen Indië liefs te vermy.
Die rede vir dié reis-waarskuwing hou klaarblyklik verwant met die moontlikheid van terreurdade, maar die Indiese regering is nie oortuig nie.
"Ek het hierdie saak met die ministerie van buitelandse sake opgeneem en hulle gevra om hierdie lande te oortuig om die reiswaarskuwings dadelik terug te trek," het Subodh Kant Sahay, minister van toerisme, gesê.
"Hierdie is niks anders as bangmakery nie," het hy bygevoeg.
Die Indiese toerismebedryf vrees dat dié waarskuwing tot kansellasies van 10 tot 15% kan lei.
– Lees hier meer.
– Volg Nuus24 op Twitter.