Venesië se gondel-dilemma
2011-08-25 09:12
Venesië – Vier Spaanse toeriste het Woensdag ‘n onverwagte swem naby Venesië geneem nadat ‘n brander wat deur ‘n groot motorboot veroorsaak is hul gondel laat omslaan het, het Italië se ANSA-nuusagentskap berig.
Die vakansiegangers is vinnig gered deur die vaarder van ‘n ander gondel, maar die voorval het die debat weer aangewakker oor die probleme wat gondels op die kanale van Venesië in die gesig staar.
Die plat-bodem toeristebote is ‘n kenmerk van Venesië en word gereeld deur toeriste gebruik om die stad te besigtig.
Nietemin kom hulle sleg tweede wanneer hulle deur motorbote se sproei en branders herinner word dat hulle nie alleen op die rustige kanale is nie.
“Die probleem is die beweging van die deinings wat deur motorbote veroorsaak word,” het die hoof van ‘n gondel-vereniging, Aldo Reato, gesê.
Hy het bygevoeg dat hy al vir twee jaar oor die probleem kla.
“Daar is oplossings,” het hy volgehou.
Reato het verduidelik dat die meeste voorvalle plaasvind naby die loopplanke waar passasiers op die gondels klim.
Hulle meen dat deur die loopplank verder in die water in te laat strek sal daar minder versteurings op die water wees.
– Volg Nuus24 op Twitter
- AFP