Uganda beplan om nasionale parke te omhein
2012-01-12 22:08
Kaapstad – Die regering in Uganda het besluit om sy nasionale parke te omhein in ‘n poging om verdere konflik tussen mense en wilde diere te voorkom.
Die inisiatief deur die land se wildlewe-owerheid (UWO) is daarop gemik om plaaslike gemeenskappe te beskerm teen die dreigement van diere wat uit die parke ontsnap en gewasse vernietig en mense aanval.
Dit dien ook as beskerming vir die diere teen mense in die gemeenskap, sowel as teen stropers.
“In die kort termyn, om konflik tussen diere en mense te voorkom, het ons begin om slote te grawe om die diere te keer om in die gemeenskap se tuine in te gaan en hul gewasse te vernietig,” het Ephraim Kamuntu, die land se minister van toerisme, wildlewe en erfenis, gesê.
“In die lang termyn sal ons al die groot nasionale parke omhein, met Murchison Park wat eerste sal wees, aangesien groot skade al daar aangerig is.”
– Lees meer byWanderlust
– Volg Nuus24 op Twitter