Tussen wrak en duin
2011-07-19 16:31
Marzahn Botha
Soms is dit beter om nie te weet hoe ver dit van punt A na punt B toe is nie. Nie almal van ons is fikse adrenalienvrate wat kilometers te fiets verslind soos ander Lindt-sjokolade verorber nie.
Elfie Lichtenberg (67), van St. Lucia of Enduduzweni in Zoeloeland, sê sy wou altyd weet watter afstand as “ver” strandlangs beskou kan word. Ná ’n onlangse fietsrit van St. Lucia af, by die bekende Mapelane-sandduin verby tot by die wrak van die Italiaanse skip Jolly Rubino, weet sy ver is strandlangs eintlik “vrek ver”.
Ek en Lichtenberg het onlangs moed bymekaargeskraap om strandlangs tussen twee bekende bakens by St. Lucia te ry. Joernaliste moet mos altyd dinge met hul eie oë sien, self suffer – ook om die storie te kry.
Die ideale wegtrektyd sou 06:00 wees, maar dit was nog donker. So 07:00 het die pedale reeds gedraai. Die seesand bied nog taai weerstand teen die roterende wiele, en die trap was heel gemaklik.
Volgens Lichtenberg kan ’n mens hierdie rit in die winter onderneem, wanneer die mond van die Umfolozi-rivier en die vleiland nie in die see loop nie.
“As hulle in die see vloei, sal ’n mens nie die 3 km tot by die Mapelane-sandduin en 16 km tot by die skeepswrak kan ry nie.”
– Lees die volledige artikel hier.
- Die Burger