Tussen branders en blommetjies
2011-03-17 13:03
WegRy
Jaag almal vroeg uit die vere vir ’n lang dag op die Rooikatroete.
Die Namakwa Nasionale Park se ontvangs (die ou Skilpadreservaat), waar jy betaal en ’n goeie gefotostateerde kaart kry, lê 10km noordwes van Kamieskroon, op ’n grondpad wat uit die dorp loop.
Ry eers ’n draai op die blomkyk-sirkelroete deur Skilpad en dan vat jy die roete af met die Soebatsfonteinpas, deur die Kamiesberge.
Ná die pas ry jy deur ’n lang vallei, verby Kookfontein en uiteindelik met die pragtige Wilde-perdehoekpas af see toe.
Hou jou oë hier in die berge oop vir Ludwigse poue, witkruisarende, klipspringers, rooihartbeeste, gemsbokke, springbokke en luiperds.
Slaan jou tent op naby die Spoegriviermond aan die kus. Jy kan enige plek staan. In die blomtyd is hierdie stuk kus byna onmoontlik mooi.
Sondagoggend besluit jy om Maandag ook af te vat en skuif die kamp suidwaarts tot net voor Groenriviermond.
Lees meer