Treintonnel gebruik sonkrag, spaar energie
2011-06-09 11:12
Europa se eerste treintonnel wat deur sonkrag aangedryf word is in België geopen.
Die stuk spoorlyn van sowat 3,5 km lank, naby Antwerpen, is met sonpanele bedek wat genoeg energie sal opwek om krag aan die land se hele treinnetwerk, insluitende hoëspoed treine, vir een dag ‘n jaar te verskaf.
Die panele is gebou op ‘n hoëspoed-roete wat van Parys tot in Amsterdam loop.
Die tonnel is gebou om te voorkom dat beskermde bome in ‘n ou woud afgekap moes word en is nou met 16 000 sonpanele bedek.
Dit sal ook krag verskaf aan Antwerpen se stasie.
Die sonpanele sal na beraming 3,300 MWh elektrisiteit ‘n jaar opwek en die verwagting is om genoeg elektrisiteit vir die ekwivalent van 950 families ‘n jaar te vervaardig.
Lees meer by Breaking Travel News
Volg Nuus24 op Twitter