Toeriste in Indië gewaarsku ná bomaanvalle
2011-07-15 14:07
Moembaai – Vakansiegangers in Indië is gewaarsku teen 'n “hoë risiko vir terrorisme” ná 21 mense in drie bomaanvalle in Moembaai dood is.
Meer as 100 mense is in die ontploffings beseer.
Hoewel geen Britte in die voorvalle dood is nie, het Brittanje se buitelandse- en statebondkantoor (BSK) ‘n span na Moembaai gestuur om enigiemand wat deur die ontploffings geraak is, by te staan.
“Ons moedig Britse burgers aan om nie hul huise of hotelle te verlaat nie en die media te volg,” het ‘n verklaring van die BSK gelui.
Toeriste is aangemoedig om enige verdagte bagasie onmiddellik aan te meld en om sekuriteitsoorwegings in ag te neem wanneer hulle naby regeringsinstansies en toeriste-bestemmings beweeg.
– Kry meer inligting hier.
– Volg Nuus24 op Twitter.