Toeriste-aanval kan Kenia se toerisme skaad
2011-09-14 09:14
Kaapstad – Die onlangse moord op ‘n Britse vakansieganger en sy vrou se ontvoering by die Kiwayu Safari Village in Kenia, naby die grens met Somalië, kan moontlik katastrofiese gevolge inhou vir dié land se toerismebedryf.
Volgens berigte het ‘n groep mense Saterdag omstreeks middernag met ‘n motorboot by die oord aangekom en die 58-jarige David, wat hulle probeer keer het, doodgeskiet.
Hulle het die 56-jarige Judith saam met hulle geneem.
Rolspelers in die toerismebedryf het reisigers gerusgestel dat Kenia steeds veilig is en dat die voorval ‘n geïsoleerde voorval was.
“Dit moet in ag geneem word dat die sekuriteitsituasie in ‘n geïsoleerde en afgeleë oord, waar daar min mense is en wat naby die grens met Somalië lê, baie anders is as die res van Kenia se ander kusoorde meer na die suide, insluitende Lamu,” het Jake Grieves-Cook van Gamewatchers Safaris gesê.
Hy het bygevoeg dat Gamewatchers Safaris die Kiwayu-gebied vir tyd en wyl nie beskikbaar is vir toeriste totdat die sekuriteit verbeter is nie.
– Tourism Update
– Volg Nuus24 op Twitter