Toerisme kan Thailand help na vloede
2011-10-18 13:49
Bangkok – Thailand se toerismebedryf is sover gespaar van die land se ergste vloede in meer as ‘n halwe eeu en kan uiteindelik help om die land se ekonomie te ondersteun nadat die ramp talle nywerheidsgebiede en landbou-gewasse vernietig het.
Phuket, Krabi, Pattaya en Koh Samui, Thailand se grootste trekpleisters vir toeriste, het die watermassas vrygespring wat die sentrale en noordelike provinsies, insluitende die antieke stad Ayutthaya, geraak het.
“Die meeste van die dele wat geraak is, is nie toeriste-areas nie, so alhoewel dit ons boere en baie van die nywerheidsgebiede raak, is die effek op toerisme minimaal,” het William Heinecke, uitvoerende hoof van Minor Internartional Pcl, die land se grootste hotel-operateur, Sondag gesê.
Thailand se toerismebedryf het al herstel van verskeie terugslae in onlangse jare.
In 2004 is meer as 8 000 mense dood toe die tsunami talle strandoorde, insluitende Phuket en Kao Lak, vernietig het.
In 2008 is Bangkok se internasionale lughawe vir twee weke gesluit as gevolg van betogings en in 2010 het betogings weer in die hoofstad uitgebreek wat daartoe gelei het dat die weermag moes ingryp. Gevolglik is 90 mense in die stad se mees gewilde inkopiedistrik dood.
– Lees meer by The Vancouver Sun
– Volg Nuus24 op Twitter