Thailand lok toeriste met spesiale aanbiedinge
2011-11-24 13:11
Hongkong – Toeroperateurs in Hongkong het Donderdag goedkoop toere na Thailand bekendgestel in ‘n poging om toeriste terug te lok na die vloedgeteisterde land.
Dié aanbiedinge kom nadat die Hongkongse regering ‘n maand lange waarskuwing teen reis na Bangkok ingestel het as gevolg van die vloede en die skade wat daardeur veroorsaak is.
Dit sluit in spesiale aanbiedinge soos koop twee en kry een verniet, met vyfdag-pakkette wat vir sowat 1 600 Hongkong dollar (R1 754), insluitende vlugte en hotelle na Bangkok of Pattaya, insluit.
Die vloede in Thailand het gelei tot die kansellasie van sowat 150 toere wat sowat 3 000 besoekers aan Hongkong geraak het.
Hongkong is ‘n belangrike kortafstandmark vir Thailand.
Die vloede het die noorde van Thailand reeds in Julie begin raak. Die noordelike, westelike en oostelike buitewyke van Bangkok is sedert Oktober deur die vloedwater oorstroom, maar vloedbakens het gehelp dat die sentrale dele van die hoofstad droog bly.
Die vloedwater sal na verwagting nie voor die nuwe jaar sak nie.
– Volg Nuus24 op Twitter
- Sapa-DPA