Tem die groot rooi duine
2011-08-01 15:42
Kaapstad – Dit help nie ons hang hier rond nie, sê Dennis Liebenberg, ons jong gids. Want wat ook al die volstruis aan die Kgalagadi-oorgrenspark se kant van die heining doodgemaak het, is vort ná sy feesmaal.
Dennis klim in sy bakkie en ry weg.
Ons was op die punt om Dennis se voorbeeld te volg, maar besluit om tog nog ’n bietjie rond te kyk. En sowaar, ’n jong leeu verrys ’n hanetree van ons af uit die boesmangras – gelukkig anderkant die heining.
Ons is al op en af by die rooi duine van die Polai-4x4-roete op die gelyknamige 4x4-en-jagplaas wat knus in die hoek tussen Namibië in die weste en die Kgalagadi-oorgrenspark in die noorde lê.
Terwyl ons al langs die park se heining gery het, het ons afgekom op ’n heiningpaal wat op twee plekke morsaf was.
Daar het nog vere gekleef aan die doringdraad waarin die paniekbevange volstruis, waarskynlik met die leeu kort op sy hakke, vasgehardloop het.
Koebaai, volstruis.
– Kliek hier vir die volledige artikel.
– Volg Nuus24 op Twitter.