Tamatiefees is wêreld se grootste kosgeveg
2011-08-22 13:40
Kaapstad – Dit is weer die tyd van die jaar wanneer Italianers hul passievolle persoonlikhede kan uitleef en mekaar by die La Tomatina-fees in die dorp Buñol met tamaties takel.
Die fees het blykbaar sy ontstaan te danke aan ‘n onderonsie tussen raadslede en ongelukkige lede van die publiek en is nou die wêreld se grootste kosgeveg.
Die tamatie gooiery vind aan die einde van Augustus plaas en lok jaarliks sowat 45 000 mense wat meer as 113 400 kg se oorryp tamaties gebruik.
Die blaas van ‘n horing dui die begin van die fees aan en vir ‘n uur kan mense al wat leef en beef met tamaties gooi, totdat die horing weer geblaas word.
Deelnemers druk wel die tamaties pap sodat dit minder seermaak en sommiges dra maskers, aangesien tamaties die oë kan laat jeuk.
– Lees meer oor kosfeeste by msnbc.
– Volg Nuus24 op Twitter