Talle strande het nou Blou Vlag-status

2009-10-29 20:59

Kaapstad - Nege-en-twintig Suid Afrikaanse strande het die gesogde Blou Vlag-status ontvang die jaar, het Marthinus van Schalkwyk, minister van Toerisme, aangekondig.

Dit is tien meer as verlede jaar en uiter goeie nuus vir toerisme, het hy tydens ‘n seremonie by Muizenberg strand gesê.

“Suid Afrika se Blou Vlag-strande verhoog ons wenslikheid en reputasie en maak van ons ‘n wêreldklas plek van bestemming,” het hy gesê.

Die Blou Vlag is ‘n internasionale erkende status en gee aan toeriste die versekering dat die strand wat hulle besoek van die beste in die wêreld is.

Dit word gegee aan strande met die hoogste kwaliteit water, fasiliteite, veiligheid en omgewings opvoedkunde.

Plaaslike strande wat blouvlagstatus het is:

   -- MacDougall Baai, Port Nolloth (nuut);

   -- Yzerfontein strand, Yzerfontein (nuut);

   -- Big Bay, Bloubergstrand Kaapstad (nuut);

   -- Clifton Fifth beach, Kaapstad;

   -- Kampsbaai, Kaapstad;

   -- Muizenberg, Kaapstad;

   -- Strandfontein strand, Kaapstad;

   -- Mnandi strand, Kaapstad;

   -- Bikinibeach, Gordonsbaai;

   -- Kleinmond strand, naby Hermanus (terug in die program);

   -- Hawston strand, naby Hermanus;

   -- Grotto strand, Hermanus;

   -- Lappiesbaai, Stilbaai, Suid Kaap;

   -- Santos-strand, Mossel Bay (nuut);

   -- Hartenbos strand, Mosselbaai (nuut);

   -- Robberg 5 strand, Plettenbergbaai (nuut);

   -- Dolphin strand, Jeffreysbaai;

   -- Humewood strand, Port Elizabeth;

   -- Hobie strand, Port Elizabeth;

   -- Wells Estate, noord van Port Elizabeth;

   -- Kelly's strand, Port Alfred;

   -- Kariega Hoof-strand, Kenton-on-Sea (nuut);

   -- Boknes strand, Kenton-On-Sea (nuut);

   -- Gonubie strand, Oos Londen (terug in die program);

   -- Trafalgar strand, Suidkus, KwaZulu-Natal (nuut);

   -- Marina strand, Suidkus, KwaZulu-Natal;

   -- Ramsgate strand, naby Margate;

   -- Margate strand; en

   -- Alkantstrand, Richard's Baai (nuut).