Tafelberg-sweefspoor nou duurder
2011-09-12 12:25
Kaapstad – Kaartjiepryse vir die Tafelberg-sweefspoor sal van 1 Oktober 2011 styg en sal geld vir die daaropvolgende 12 maande.
Besoekers wat hul kaartjies aanlyn koop sal afslag ontvang en kan die lang toue by die kaartjiekantoor vryspring.
Konsessiekaartjies (wat slegs op Vrydae van toepassing is) sal steeds aan Suid-Afrikaanse pensioenarisse oor die ouderdom van 60 toegeken word, sowel as aan studente. Diegene oor 60 moet in besit wees van ‘n geldige identiteitsdokument.
Plaaslike en internasionale studente sal ‘n studentekaart moet toon om in aanmerking te kom vir konsessiekaartjies.
Let wel dat hierdie kaartjies nie aanlyn gekoop kan word nie.
Nuwe kaartjiepryse is as volg:
Volwasse twee-rigting
Kaartjiekantoor: R195
Aanlyn: R175
Volwasse eenrigting
Kaartjiekantoor: R100
Aanlyn: R92
Kinders (4-7) twee-rigting
Kaartjiekantoor: R95
Aanlyn: R85
Kinders (4-7) eenrigting
Kaartjiekantoor: R50
Aanlyn: R43
– www.tablemountain.net
– Volg Nuus24 op Twitter