Tafelberg klim, maar kort nog stemme
2011-05-25 16:48
Die komitee wat Tafelberg op die lys van die sewe nuwe natuurwonders wil kry doen alles in hulle vermoë om te verseker mense stem vir die landmerk.
Tafelberg lê tans in die 14de plek en die kompetisie is sterk, met onder andere Indonesië se Komodo Nasionale Park wat ‘n groot teenstander is.
Fiona Furey van die komitee het gesê hulle het ‘n reuse-bemarkingsveldtog geloods voor die groot aankondiging in November.
“Mense het herinneringe op hul selfone geplaas en hulle stem een keer ‘n week, so dit is regtig goeie nuus. Ons is besig om te klim op die lys en ons doen goed, maar daar is steeds baie werk wat gedoen moet word,” het sy gesê.
Kliek hier vir inligting oor hoe om te stem.
- Eyewitness News
Volg Nuus24 op Twitter