Sneeu val uiteindelik by Europese ski-oorde
2011-12-06 12:24
Kaapstad – Reisigers wat ski-vakansies na Europa beplan het en toeroperateurs het ‘n gesamentlike sug van verligting geslaak toe sneeu in oorvloed oor die Alpe begin val het.
Die winter het uiteindelik sy verskyning gemaak, al is dit een maand laat.
Die Franse Alpe het die eerste sneeu gekry, maar dit is stadig besig om ooswaarts te beweeg, met die meeste van die sneeuval wat teen Woensdag en Donderdag oor ‘n groot gedeelte van Europa verwag word.
Sneeuvlakke sal na verwagting 75 cm dik lê by ski-oorde in Frankryk, Oostenryk, Switserland en Italië.
Vakansiegangers wat verlede naweek by oorde soos Courchevel in Frankryk aangekom het, het op die meeste ‘n strook mensgemaakte sneeu gevind, wat omring is deur bruin valleie en sneeulose pieke.
Die eerste behoorlike winterstorm het gekom ná die droogste en warmste herfs sedert 1864.
– Lees meer by die Telegraph
– Volg Nuus24 op Twitter