Slapende vrou vlieg 18 uur rond in vliegtuig

2012-08-23 13:41

Parys – 'n Franse vrou het 'n 18 uur lange retoervlug vanaf Lahore na Parys onderneem nadat sy geslaap het toe die vliegtuig by haar bestemming land, het beamptes gesê.

Pakistan International Airlines (PIA) is besig om te ondersoek waarom bemanningslede nie opgemerk het dat die vrou geslaap het toe die vliegtuig by die Charles de Gaulle-lughawe in Parys geland het nie.

Die vrou, ene Patrice Christine Ahmed, het Lahore Dinsdag verlaat en na Parys gevlieg, maar sy het nie wakker geword toe die vliegtuig in Parys geland het nie, het Sultan Hasan, woordvoerder van die lugredery, gesê.

Die vrou het nie aan bemanningslede vertel wat gebeur het nie en die lugredery het eers later van die voorval gehoor toe die vrou deur immigrasiebeamptes voorgekeer is.

Hasan het gesê die PIA ondersoek die voorval.

PIA het later gereël om die vrou met 'n ander lugredery na Parys te laat vlieg omdat daar nie vlugte nie beskikbaar was nie. Die lugredery het egter gesê die koste van die ekstra kaartjie sal van die skuldige party verhaal word.

"Dit hang af wie se skuld dit is. As die vrou self verantwoordelik is, sal sy self die kostes moet dek."

– Volg Nuus24 op Twitter.

- AFP