Ski-vakansie: wat om te pak en wat om te los
2011-02-16 11:43
Daar is niks soos ‘n ski-vakansie om jou eg-Europees te laat voel nie.
Die aanlyn ski-vakansie-spesialiste Directski.com het ‘n lys saamgestel van wat om te pak en wat om eerder by die huis te los as jy jou ski-vakansie beplan.
Pak:
iPods, iPads en enigiets Apple
Hulle is klein, draagbaar en almal het een.
‘n Apple iPod is die perfekte toestel vir ‘n ski-vakansie. Dit is soos ‘n getroue vriend en vergesel jou van op die vliegtuig tot af by die ski-hellings.
Sonskerm en sonbrille
Dit is noodsaaklik om die son wat teen die helder wit sneeu reflekteer te blok, veral as jy wil voorkom dat jy soos ‘n panda lyk as jy met sonbril-sonbrand op eindig.
Directski.com beveel aan dat jy goeie kwaliteit ski-sonbrille gebruik om die son uit te blok.
Kamera (met ekstra batterye en ‘n battery-laaier)
Sit die kamera op die nag-verstelling om die beste kwaliteit foto’s te verseker.
Dra ‘n ekstra stel battery op ‘n warm plek, aangesien die koue die batterye soms negatief kan affekteer.
Baie lae klere
‘n Ski-vakansie sal nie ‘n ski-vakansie wees sonder warm klere, en baie daarvan, wees nie.
Pak ekstra broeke, stywe rekbroeke om onder broeke te dra, t-hemde en vliesstof-baadjies – sneeu is baie koud.
Dra eerder lae as dik klere.
Ekstra sokkies
Dit is so belangrik dat dit sy eie kategorie kry.
Pak baie sokkies en nie sommer enige sokkies nie, ski-sokkies.
Hierdie sokkies sal opgestopte dele hê met ‘n ‘L’ en ‘R’ as dit die regte tipe is.
Ouma se gebreide sokkies is nie ‘n opsie nie.
Los dié by die huis:
Sneeuskaatse
Moet hulle nie deur lughawens probeer sleep of die wat jy by jou oom geërf het probeer spoeg en plak nie.
Sneeuskaatse is goedkoop om te huur en spaar jou baie moeite en tyd.
“Alles-in-een”-skipak
Hulle is uit die mode en al kom dit weer terug in die mode, sal dit steeds uit die mode wees.
Baie klere
In teenstelling met wat vroeër gesê is, pak lig. Vergeet swaar truie.
‘n Goeie skiër sal ruik asof hy sy laaste skoon hemp twee dae terug gedra het.
Haardroërs en haarstrykers
Elke dag is ‘n slegte haardag by ‘n ski-oord – dra ‘n hoed.
Lees meer by Directski.com